सोलुखुम्बुमा दुई हेलिकप्टर ठोक्किँदा एकको मृत्यु, एक घाइते

विराटनगर । सोलुखुम्बुको फाप्लु क्षेत्रमा दुईवटा हेलिकप्टर एकआपसमा ठोक्किँदा एक विदेशी पर्यटकको मृत्यु भएको छ भने अर्का एक जना विदेशी नागरिक घाइते भएका छन् ।

फेरेचे हेलिप्याडमा अवतरण गर्ने क्रममा फिस्टेल एयर र एयर डाइनेस्टीका हेलिकप्टर आपसमा ठोक्किएर दुर्घटनामा परेको जिल्ला प्रहरी कार्यालय सोलुखुम्बुले जनाएको छ ।

दुर्घटनामा घाइते भएका अर्का विदेशी नागरिकको अवस्था र थप विवरणबारे प्रहरीले अनुसन्धान गरिरहेको छ । हेलिकप्टरमा कुल कति जना सवार थिए भन्नेबारे यकिन विवरण आइनसकेको प्रहरी नायब उपरीक्षक नवीनराज बुढाथोकीले जानकारी दिए ।

दुर्घटनाको थप विवरण आउन बाँकी रहेको प्रहरीले जनाएको छ ।

स्रोत: WordPress